Главная > Информация > Первое богослужение в Кремяницком костеле

Первое богослужение в Кремяницком костеле


10-06-2016, 12:33. Разместил: knyazevo-filia
Сваю першую Імшу ў крамяніцкім касцёле святога Юрыя ў мінулую нядзелю адправіў малады ксёндз Павел Скуба. А напярэдадні ў гродзенскай катэдры ён атрымаў святарскае благаславенне біскупа Аляксандра Кашкевіча.
Богаслужэнне было асабліва ўрачыстым. Вернікі адчувалі вялікую радасць, бо Павел – ужо пяты ксёндз, які выйшаў з гэтай парафіяльнай супольнасці.
Па традыцыі ксёндз Павел уваходзіў у храм у сплеценым дубовым вянку ў суправаджэннні дзяцей і моладзі.
З наказам шанаваць святарства як вялікі скарб у час літургіі да Паўла звярнуўся яго дзядзька, айцец Юрый Кузьміч, які зараз працуе ў Шчучынскім раёне. Парафіянаў ксёндз заклікаў маліцца за тых асоб, якія служаць Усявышняму.
–Ксяндзамі не нараджаюцца, – лічыць Павел Скуба. – Іх выбірае Бог. Неабходна і шматгадовая духоўная і інтэлектуальная падрыхтоўка.
З ранняга ўзросту бацькі выхоўвалі Паўла ў веры, вучылі быць спагадлівым у адносінах да іншых людзей. Прыкладам набожнасці з’яўляўся і ксёндз Кшыштаф Янас. Узор духоўнасці – цяперашні настаяцель крамяніцкага касцёла Аляксандр Баклажац.
Пазнанне рэлігіі Павел пашыраў дзякуючы сёстрам у законе Іярдане, Марыне, Стэле і Іаанне. Стараўся не прапускаць ніводнай нядзельнай і святочнай Імшы.
Калі паўстала пытанне, куды ісці вучыцца пасля заканчэння школы, ні хвіліны не сумняваўся – Вышэйшая духоўная семінарыя ў Гродне. Менавіта тут Павел Скуба канчаткова зразумеў, што яго прызваннне ў святарстве.
Падчас богаслужэння малады ксёндз выказаў словы шчырай удзячнасці вернікам за супольную малітву. Прысутныя на літургіі атрымалі ад святара благаславеннне і памятныя абразкі.
Наталля МАЦЮК.
Вернуться назад